ကိုယ်တွင်းခုခံအားနည်းတဲ့ လူသားတွေရဲ့အသက်ကို နှုတ်ယူနေတဲ့ ကပ်ရောဂါဆိုးဟာ ကမ္ဘာတစ်ဝှမ်းကို ပျံ့နှံ့သွားပြီးတဲ့နောက်မှာတော့ ဆေးပညာရှင်တွေက အဆိုပါရောဂါဆိုးကြီးကို တိုက်ထုတ်နိုင်ဖို့အတွ က် ပြည်သူပြည်သားတွေအနေနဲ့ အိမ်အတွင်းမှာပဲနေခြင်းက အထိရောက်ဆုံးသော ကြိုတင်ကာကွယ်မှုဖြစ်ကြောင်း အသိပေးကြေငြာခဲ့ပါတယ်။
အဆိုပါအသိပေးကြေငြာချက်ကို ပြည်သူပြည်သားတွေက ကြားသိပြီးတဲ့နောက်မှာတော့ စားနှပ်ရိက္ခာနဲ့ အိမ်တွင်းအခြေခံသုံး ပစ္စည်းတွေကို စျေးဝယ်စင်တာတွေမှာ အလုအယက် ဝယ်ယူခဲ့ကြပါတယ်။ ဒီလိုမျိုး လူတွေအများကြီးရှိနေတဲ့ စျေးဝယ်စင်တာတစ်ခုမှာ ကုန်ပစ္စည်းတွေကို သွားရောက်ဝယ်ယူခြင်းကပဲ ရောဂါပိုးကို ပိုပြီးပျံ့နှ့ံစေခဲ့ပါတယ်။
Microsoft ကုမ္ပဏီရဲ့ Co-Founder တစ်ဦးဖြစ်တဲ့ Bill Gates ဟာ အမေရိကန်ပြည်ထောင်စုက ခေါင်းဆောင်တွေအနေနဲ့ COVID-19 ကို တိုက်ထုတ်ရာမှာ အသုံးဝင်မယ့် အချက်အလက်တချို့ကို မျှဝေပေးခဲ့ပါတယ်။ နိုင်ငံတစ်နိုင်ငံလုံးရဲ့ ဝင်ခွင့်ထွက်ခွင့်တွေကို ပိတ်ပစ်လိုက်ဖို့နဲ ့ နိုင်ငံအတွင်းမှာနေထိုင်နေတဲ့ ပြည်သူတွေကိုလည်း အပြင်ထွက်ခွင့်ပိတ်သင့်ကြောင်း အကြံပြုထားပါတယ်။ ထိရောက်တဲ့ပိတ်ပင်တားဆီးမှု မရှိခြင်းကြောင့် ရောဂါပျံ့ပွားမှုဟာ ဆက်လက်ဖြစ်ပေါ်နေမယ်ဆိုရင် နိုင်ငံစီးပွားရေးကို ပိုမိုထိခိုက်စေနိုင်မယ်လို့လည်း ဆိုခဲ့ပါတယ်။
အမေရိကန်ပြည်ထောင်စု ကျန်းမာရေးဝန်ကြီးဌာနက ခေါင်းဆောင်တွေဟာ ပြည်သူပြည်သားတွေကို လုံလောက်တဲ့ ကျန်းမာရေးဝန်ထမ်းတွေရဲ့ အကူအညီနဲ့ ထိရောက်တဲ့ စမ်းသပ်မှုတွေပြုလုပ်ပြီး လိုအပ်တဲ့ ကျန်းမာရေးကုသမှုတွေပေးစွမ်းနိုင်ဖို့ အခုထက်ပိုပြီး ကြိုးပမ်းအားထုတ်သင့်ကြောင်း သတိပေးပြောဆိုခဲ့ပါတယ်။
ရောဂါဝေဒနာခံစားနေရသူတွေကို ထိရောက်စွာကုသပေးနိုင်ဖို့အတွက် အရည်အသွေးပြည့်ဝတဲ့ ကာကွယ်ဆေးတွေကို အမြန်ဆုံးဖော်စပ်သင့်ကြောင်းကိုလည်း အကြံပေးထားပါတယ်။
The Gates Foundation က ကပ်ရောဂါဆိုးကြီးကို တိုက်ထုတ်ဖို့အတွက် ကျန်းမာရေးဌာနကို ဇန်နဝါရီလအတွင်းက ဒေါ်လာ ၁၀ သန်း နဲ့ ဖေဖော်ဝါရီလမှာ ဒေါ်လာသန်း ၁၀၀ လှူဒါန်းခဲ့ကြောင်း သိရှိရပါတယ်။
<Unicode Version>
Source ~ Cnet
#SY(Soshwe)
#soshwetech
#soshweforyourdailylife
#likeandshare
