HomeSportအာဆင်နယ်တိုက်စစ်မှူးဟောင်း Jose Antonio Reyes သေဆုံး။

အာဆင်နယ်တိုက်စစ်မှူးဟောင်း Jose Antonio Reyes သေဆုံး။

- Advertisement -

အသက် ၃၅ နှစ်အရွယ်ရှိ အာဆင်နယ်ကစားသမားဟောင်း Reyes ဟာ ကားမတော်တဆမှုတစ်ခုကြောင့် သေဆုံးသွားတယ်ဆိုပြီး သတင်းများက အတည်ပြု ပြောဆိုခဲ့ပါတယ်။

Reyes ဟာ အခုလက်ရှိမှာတော့ Extremadura အသင်းအတွက် ကစားပေးနေပြီး အာဆင်နယ်၊ ဆီဗီးလား၊ ရီးရဲမက်ဒရစ်၊ အက်သလတီကိုမက်ဒရစ်နဲ့ အခြားစပိန်ကလပ်တွေမှာ ကစားလာခဲ့တဲ့ ကစားသမားကောင်းတစ်ယောက်ဖြစ်ပါတယ်။

- Advertisement -

- Advertisement -

ဆီဗီးလားအသင်းရဲ့ တွစ်တာစာမျက်နှာတွင်လည်း “ ငါတို့အနေနဲ့ ဒီသတင်းဆိုးကြီးကို အခုထိလက်ခံလို့မရသေးပါဘူး။ ဆီဗီလားအသင်းရဲ့ ကစားသမားဟောင်းကြီး Jose Antonio Reyes တစ်ယောက် ကားမတော်တဆမှုမှာ သေဆုံးသွားခဲ့တာကို အတည်ပြုခဲ့ပါပြီ။ Reyes တစ်ယောက်  ကောင်းရာသုဂတိလားပါစေ . . . ” ဆိုပြီး ပို့စ်တင်ခဲ့ပါတယ်။

- Advertisement -

Reyes ဟာ အသက် ၁၆ နှစ်အရွယ်ကတည်းက ဆီဗီလားအသင်းမှာ စတင်ကစားခဲ့ပြီး  အောင်မြင်မှုတွေ ရရှိခဲ့ကာ အသင်းရဲ့သမိုင်းသက်တမ်းတစ်လျှောက် အသက်အငယ်ဆုံး ကစားသမားတစ်ယောက်အဖြစ် သတ်မှတ်ခံရပါတယ်။ ထို့နောက် အာဆင်နယ်အသင်းတွင် ၂၀၀၄ ခုနှစ်မှ ၂၀၀၇ ခုနှစ်အထိ ကစားပေးခဲ့ပြီး Dennis Bergkamp ၊ Theirry Henry နဲ့ Patricia Viera တို့နဲ့အတူ အသင်းအတွက် အောင်မြင်မှုတွေရရှိအောင် စွမ်းဆောင်ပေးနိုင်ခဲ့သူတစ်ဦးလည်းဖြစ်ပါတယ်။

အာဆင်နယ်မှာကစားပြီးနောက်ပိုင်း ဆီဗီးလားအသင်းကို ၂၀၁၂ ခုနှစ်တွင် ပြန်လည်ရောက်ရှိလာခဲ့ပြီး ယူရိုပါလီးဂ်ဖလားကို (၃) ကြိမ်တိုင်တိုင်ရရှိအောင် စွမ်းဆောင်ပေးနိုင်ခဲ့ပါတယ်။ အက်သလတီကိုမက်ဒရစ်မှာ ကစားခဲ့စဉ်တုန်းကလည်း (၂) ကြိမ်ရရှိအောင် စွမ်းဆောင်နိုင်ခဲ့သူတစ်ယောက်ဖြစ်ပါတယ်။

“ အက်သလတီကိုမက်ဒရစ်အသင်းသားတွေနဲ့ ပရိသတ်တွေကတော့ Reyes အတွက် ဝမ်းနည်းပူဆွေးနေကြပါပြီ။ Reyes ဟာ ငါတို့အားလုံးရဲ့ရင်ဘတ်မှာ အမြဲတမ်းရှိနေမှာပါ။ ကောင်းမွန်စွာ အနားယူပါတော့ Reyes . . . ” ဆိုပြီး အသင်းရဲ့ တွစ်တာစာမျက်နှာပေါ်မှာ ရေးသားဖော်ပြခဲ့ပါတယ်။

 

#ST(Soshwe)

#SoshweSports

#SoshweForYourDailyLife

#Like&Share

- Advertisement -

Must Read