HomeLifeStyleInstagram မှာ ပြန်တွေ့ရတော့မယ့် မြို့စားကတော် Meghan Markle

Instagram မှာ ပြန်တွေ့ရတော့မယ့် မြို့စားကတော် Meghan Markle

- Advertisement -

မြို့စားကတော် Meghan Markle တစ်ယောက် အင်စတာဂရမ်ပြန်သုံးတော့မယ်ဆိုတာဟာ ဟာသတစ်ခုမဟုတ်ပါဘူး။ Sussex ရဲ့ မြို့စား Harry နဲ့ မြို့စားကတော် Meghan တို့ နှစ်ဦးသားဟာ သူတို့ရဲ့မွေးဖွားလာတော့မယ့်ရင်သွေးလေးကို ကြိုဆိုဖို့အတွက် Kensington နန်းတော်ကနေထွက်ခွာပြီး သူတို့ရဲ့အိမ်အသစ်ကို ပြောင်းရွှေ့ဖို့အတွက် စီစဉ်နေတယ်ဆိုတာကို အားလုံးသိထားပြီးသားပဲဖြစ်ပါတယ်။
သူတို့နှစ်ဦးဟာ ဒီတစ်ခါမှာတော့ နှစ်ဦးပေါင်းပြီး @SussexRoyal လို့အမည်ပေးထားတဲ့ အင်စတာဂရမ်အကောင့်တစ်ခုကိုဖွင့်ကာ “ကျွန်ုပ်တို့ရဲ့ အင်စတာဂရမ်အကောင့်ကနေ ကြိုဆိုလိုက်ပါတယ်။ ကျွန်ုပ်တို့လုပ်ဆောင်နေတဲ့လုပ်ငန်းဆောင်တာတွေ ကျွန်ုပ်တို့ထောက်ခံအားပေးနေတဲ့အရာတွေကို ဒီကနေပဲပြောပြကြေငြာပေးသွားမှာပဲဖြစ်ပါတယ်။ ကျွန်ုပ်တို့ကို ထောက်ခံအားပေးတဲ့အတွက်လည်း ကျေးဇူးအများကြီးတင်ရှိပါတယ်။” Harry နဲ့ Megan – လို့ရေးသားထားခဲ့တာပဲဖြစ်ပါတယ်။ ဒီစာတင်ပြီးတဲ့နောက်မှာပဲ မကြာသေးခင်ကမှ သူတို့နှစ်ဦးတက်ရောက်ခဲ့တဲ့ အစီအစဉ်အခမ်းနားနဲ့ပတ်သက်တာတွေကို တင်ခဲ့ပါတယ်။
မြို့စား Harry က သူ့ရဲ့ကိုယ်ရေးကိုယ်တာအတွက်တောင်မှ Social Media အကောင့်ကိုအသုံးမပြုခဲ့ဖူးသော်လည်း မြို့စားကတော် Meghan ကတော့ မြို့စား Harryနဲ့ မတွဲခင်အထိ အင်စတာဂရမ်အကောင့်အသုံးပြုနေခဲ့ပါသေးတယ်။ သူတို့နှစ်ဦးကြားက ချစ်သံယောဇဉ်က သေချာသလောက်ရှိပြီး လူတွေအားလုံးသိသွားတဲ့အချိန်မှာတော့ Meghan က ၂၀၁၈ ဇန်နဝါရီလမှာပဲ သူမရဲ့ အင်စတာဂရမ်အကောင့်ရော သူမအနုပညာရှင်တစ်ယောက်အဖြစ် လုပ်ကိုင်နေတုန်းက The Tig အမည်ရှိ သူမရဲ့ Lifestyle Blog ကိုပါ ဖျက်သိမ်းခဲ့ပါတယ်။
Meghan က ယခင်က သူမတစ်နေ့တာလုပ်ဆောင်ရတဲ့ လုပ်ငန်းဆောင်တာတွေနဲ့ သူမကိုပျော်ရွှင်စေတဲ့အရာတွေကို သူမရဲ့ပရိသတ်တွေကိုမျှဝေပေးလေ့ရှိပေမယ့် ယခုလို မြို့စားကတော်ဖြစ်သွားပြီးတဲ့အချိန်မှာတော့ ယခင်လိုပဲမျှဝေပေးနေမယ်လို့တော့ တပ်အပ်ပြောလို့မရပါဘူး။ သူတို့နှစ်ဦးပေါင်းပြီး ဖွင့်ထားတဲ့ ဒီအကောင့်ကနေတစ်ဆင့် သူတို့နှစ်ဦးနဲ့ သက်ဆိုင်တဲ့ အချက်အလက်တွေဟာ Kensington နန်းတော်က တင်ပေးတဲ့ အချက်အလက်တွေနဲ့တော့ အများကြီးကွာခြားနေတော့မှာပါပဲ။

#SY(Soshwe)
#SoshweCelebrities
#SoshweForYourDailyLife
#Like&Share

- Advertisement -

Must Read