HomeHealth & Beautyကြက်ဥကို နှစ်ခြိုက်စွာစားသုံးသူများအတွက် သတင်းဆိုးတစ်ခု။

ကြက်ဥကို နှစ်ခြိုက်စွာစားသုံးသူများအတွက် သတင်းဆိုးတစ်ခု။

- Advertisement -

ကြက်ဥသည် ကျန်းမာရေးအတွက် ကောင်းကျိုးပေးသလား ဆိုးကျိုးပေးသလားဆိုသည့် မေးခွန်းနဲ့ ပတ်သက်၍ နှစ်ပေါင်းများစွာကြာအောင် အငြင်းအခုံဖြစ်ခဲ့ကြပြီး လက်ရှိအချိန်၌မူ တစ်ပတ်ကို ကြက်ဥ (၃) လုံးကနေ (၄) လုံးအထိ စားသုံးသူများသည် နှလုံးရောဂါဖြစ်နိုင်ချေနဲ့ အရွယ်မတိုင်ခင် သေဆုံးနိုင်ချေ မြင့်မားလျက်ရှိကြောင်း လေ့လာဆန်းစစ်မှုအသစ်များအရ သိရှိရပါတယ်။

ချီကာဂို ဆေးတက္ကသိုလ်တစ်ခုမှ Victor Zhong က “ဥများအထူးသဖြင့် ဥအနှစ်တွေက ကိုလက်စရောဓာတ်များရဲ့ အဓိကအရင်းအမြစ်များဖြစ်ပါတယ်။” ဟု ရေးသားဖော်ပြခဲ့ပါတယ်။ ဆေးပညာသိပ္ပံဂျာနယ်ဖြစ်သည့် JAMA ရဲ့ရေးသားဖော်ပြချက်အရ Victor Zhong နဲ့ အခြားသော လေ့လာသူများက ဥတစ်လုံး၌ ကိုလက်စထရောဓာတ် (၁၈၆) မီလီဂရမ်အထိ ပါဝင်နေသည်ကို ရှာဖွေတွေ့ရှိခဲ့ရကြောင်း သိရှိရပါတယ်။

- Advertisement -

အမေရိကန်နိုင်ငံမှ လေ့လာဆန်းစစ်ရေးအဖွဲ့အစည်း (၆) ခုမှလည်း လူဦးရေ (၂၉,၀၀၀) ကျော်ကို ပျမ်းမျှ (၁၇) နှစ်ခွဲကြာ လေ့လာစမ်းသပ်ခဲ့ပြီးနောက် စုစုပေါင်း လူဦးရေ (၅,၄၀၀)ကျော် ပမာဏက နှလုံး၊ နှလုံးသွေးကြောနဲ့ သက်ဆိုင်သော ရောဂါများ ခံစားခဲ့ရပြီး (၁,၃၀၂) ယောက်သည် လေဖြတ်ခြင်း၊ (၁,၈၉၇) ယောက်မှာမူ နှလုံးရပ်တန့်ခြင်းများ နဲ့ ရင်ဆိုင်ခဲ့ရသလို (၁၁၃) ယောက်မှာမူ သေဆုံးသည်အထိ နှလုံးရောဂါကို ခံစားခဲ့ရပြီး (၆,၁၃၂) ယောက်မှာမူ အခြားသော အကြောင်းပြချက်များဖြင့် သေဆုံးခဲ့ကြပါတယ်။

- Advertisement -

နေ့စဉ်စားသောက်နေသည့် အစားအသောက်များ၌ လိုအပ်သည်ထက် ကိုလက်စထရောပမာဏ (၃၀၀) မီလီဂရမ်ပါဝင်ခဲ့ပါက နှလုံးရောဂါဖြစ်ပွားနိုင်ချေကို (၃.၂) ရာခိုင်နှုန်းမြင့်မားစေခဲ့သလို အရွယ်မတိုင်ခင် စောစီးစွာ သေဆုံးခြင်းကိုလည်း (၄.၄) ရာခိုင်နှုန်းအထိ မြင့်တက်စေကြောင်း Zhong ရဲ့ လေ့လာဆန်းစစ်ချက်များအရ သိရှိရပါတယ်။ ဒါ့အပြင် တစ်နေ့ကို ကြက်ဥတစ်လုံးလုံး မစားသုံးဘဲ တစ်ဝက်ဘဲ စားသုံးသည့်တိုင် နှလုံး၊ နှလုံးရောဂါနဲ့ သက်ဆိုင်သော ရောဂါများဖြစ်နိုင်ချေက (၁.၁) ရာခိုင်နှုန်းတိုးတက်လာစေသလို အရွယ်မတိုင်ခင် သေဆုံးနိုင်ချေကလည်း (၁.၉) ရာခိုင်နှုန်းအထိ ရှိလာနိုင်ပါတယ်။

- Advertisement -

Colorado ဆေးတက္ကသိုလ်တစ်ခုမှ Dr. Robert H. Eckel ကလည်း ကြက်ဥနဲ့ပတ်သက်သည့် ယခုအကြောင်းအရာသည် ဆရာဝန်များ၊ လူနာများနဲ့ ပြည်သူလူထုအတွက် အရေးကြီးသည့် အချက်တစ်ချက်ဖြစ်ကြောင်း ပြောကြားခဲ့ပါတယ်။ လေ့လာဆန်းစစ်မှု၌ မပါဝင်ခဲ့သည့် ဒေါက်တာ Robert က “ဘာကြောင့်အခုလို အရေးကြီးလာလဲဆိုရင် နှစ်ပေါင်းများစွာကြာအောင် ကြက်ဥစားသုံးခြင်းနဲ့ပတ်သက်ပြီး ငြင်းခုန်ခဲ့ကြပေမယ့် အခုချိန်မှသာ ကြက်ဥစားသုံးခြင်းက နှလုံးရောဂါကို ဖြစ်ပွါးစေတဲ့ ကိုလက်စထရောတွေနဲ့ ပတ်သက်ဆက်စပ်မှုတွေကို ရှာဖွေတွေ့ရှိခဲ့လို့ပါ။” ဟုပြောကြားခဲ့ပါတယ်။

ရှာဖွေဆန်းစစ်ခဲ့သည့် ဗစ်တာဂျုံးနဲ့အဖွဲ့ကလည်း “ဥကရတဲ့ ကိုလက်စထရောဓာတ်တွေကို သတိထားရမှာမှန်ပေမယ့် အခြားသော ကိုလက်စထရောဓာတ်ပါဝင်တဲ့ အစားအသောက်တွေကို အကန့်အသတ်နဲ့ စားသုံးခြင်းကို မရပ်တန့်ပစ်ဖို့ကလည်း အရေးကြီးတဲ့အချက်တစ်ချက်ဖြစ်နေဆဲပါ။” ဟုထပ်မံဖြည့်စွက်ပြောကြားခဲ့ပါသေးတယ်။

British Heart Foundation မှ Victoria Taylor ကလည်း ယခု ရှာဖွေတွေ့ရှိခဲ့သည့် အချက်အလက်များထက် ပိုမိုခိုင်လုံသည့် အကြောင်းပြချက်များနဲ့ ပြည်သူလူထုကို နားလည်အောင် ဆောင်ရွက်နိုင်ရန် လိုအပ်ကြောင်း ထောက်ပြပြောဆိုခဲ့ပါတယ်။ Victoria Taylor က “ဥတွေက အာဟာရရှိတဲ့ အစားအသောက်တွေဖြစ်ပြီး ကျွန်တော်တို့ အားလုံးလက်ရှိစားနေတဲ့ပမာဏအပေါ် အာရုံစိုက်ပြီး လေ့လာစမ်းသပ်မှုတွေ ပြုလုပ်သင့်ပါတယ်။ အခုတွေ့ရှိရတဲ့ အချက်အလက်တွေက ဥကို ဘယ်လိုချက်ပြုတ်ရမလဲဆိုတာမျိုးအထိ အာရုံစိုက်ရမယ့် ကိစ္စဖြစ်ပြီး ကျန်းမာရေးနဲ့ ညီညွှတ်ဖို့အတွက် အစားအသောက်အားလုံးကို မျှမျှတတစားသုံးပေးဖို့ လိုအပ်ပါတယ်။” ဟူ၍လည်း ပြောကြားသွားခဲ့ကြောင်း သိရှိရပါတယ်။
<Unicode Version>

#soshwe

#soshwehealthandbeauty

#soshweforyourdailylife

#likeandshare

- Advertisement -

Must Read