HomeEntertainmentCursed Child Painting ဟုအမည်ရသည့် Dorian Grey ပန်းချီကားရဲ့ နောက်ကွယ်မှ ဖြစ်ရပ်ဆန်းများ။

Cursed Child Painting ဟုအမည်ရသည့် Dorian Grey ပန်းချီကားရဲ့ နောက်ကွယ်မှ ဖြစ်ရပ်ဆန်းများ။

- Advertisement -

Netflix ပရိသတ်တွေ တခဲနက်ကြည့်ရှုအားပေးကြတဲ့ The Witches ရုပ်ရှင်ဇာတ်ကားမှ Dorian Grey ဆိုသည့် ပန်းချီကားသည် လူအများကြား ထင်ရှားကျော်ကြားခဲ့ပြီး သဘာဝလွန်ဖြစ်ရပ်ဆန်းများနဲ့ ဆက်စပ်လျက်ရှိတယ်လို့ သိရှိရပါတယ်။ လွန်ခဲ့သည့် (၁၉၅၀)ပြည့်နှစ်ကာလများတွင် အီတလီလူမျိုး ပန်းချီဆရာတစ်ယောက်ဖြစ်သည့် ဂျီယိုဗန်နီဘရာဂိုလင်းက ယခုကဲ့သို့သော လူပုံတူပန်းချီကား အရေအတွက် (၆၀) ကျော်အထိ ရေးဆွဲခဲ့ပါတယ်။ ဒီပန်းချီကားတစ်ချပ်ချင်းကို ဘရာဂိုလင်းက မျက်ရည်ကျနေသည့် ကလေးငယ်လေးတစ်ယောက်မှ မကြာခဏဆိုသလို ခပ်မွဲမွဲနဲ့ ကြည့်နေသည့် ပုံစံမျိုးကို ရေးဆွဲခဲ့တာလည်း ဖြစ်ပါတယ်။ ဒါ့အပြင် ဘရာဂိုလင်းရဲ့ နာမည်အရင်းမှာမူ ဘရူနိုအမာဒီယိုဖြစ်ပြီး သူဟာ ဖရန်ချော့ဆီဗီးလ်ဆိုသည့် နာမည်လည်း ရှိခဲ့ပါသေးတယ်။

အခုလိုမျိုး ဝမ်းနည်းဖွယ်ရာ ပန်းချီကားများကို ဒုတိယကမ္ဘာစစ်အား အမှတ်ရသောအထိမ်းအမှတ်အဖြစ် ကျင်းပခဲ့သောပွဲများတွင်လည်း ပြသခဲ့ဖူးပြီး အီတလီနိုင်ငံတွင် လူသိများကျော်ကြားခဲ့တဲ့ အဆိုပါပန်းချီကားများကို ဗြိတိန်နိုင်ငံတွင်လည်း ပုံစံတူ (၅၀,၀၀၀) နဲ့ အထက်ရေးဆွဲခဲ့ပါသေးတယ်။

- Advertisement -

သို့သော်လည်း (၁၉၈၀) နောက်ပိုင်းကာလများတွင်မူ အဆိုပါပန်းချီကားအတွင်းမှ ကလေးငယ်လေးရဲ့ မျက်လုံးကို ပြင်ဆင်ရေးဆွဲမှုများ ပြုလုပ်ခဲ့ကြပြီး ချစ်စရာကောင်းသော ကလေးငယ်တစ်ယောက်ရဲ့ မျက်လုံးအဖြစ် ပုံစံပြောင်း ရေးဆွဲခဲ့ကြပါတယ်။ နောက်ပိုင်းတွင်မူ ဒေါက်တာဒေးဗစ်ကလက်ခ်ဆိုသူက သူ့ရဲ့ The Curse of the Crying Boy ဆိုတဲ့ ဆောင်းပါးမှတစ်ဆင့် အဆိုပါပန်းချီကားနဲ့ ပတ်သက်ပြီး ထူးထူးဆန်းဆန်းဖြစ်ရပ်များကို ရေးသားဖော်ပြခဲ့ပါတယ်။ ရိုသာဒမ်မြို့တွင်နေထိုင်သည့် ရွန်နဲ့မေဟောလ်တို့ နှစ်ဦးရဲ့ နေအိမ်မီးလောင်ကျွမ်းမှုဟာ အဆိုပါပန်းချီကားကြောင့် ဖြစ်နိုင်ကြောင်း ကာယကံရှင်များက ယုံကြည်နေကြပါတယ်။ နှစ်ပေါင်း (၂၇) နှစ်ကြာ နေထိုင်လာခဲ့သည့် အဆိုပါအိမ်ကြီးတစ်အိမ်လုံး မီးလောင်ကျွမ်းခံရချိန်မှာ ပန်းချီကားကို မီးစွဲခြင်း လုံးဝမရှိခဲ့တဲ့အပြင် မီးခိုးငွေ့များပင် မဟပ်ခဲ့ကြောင်း ကာယကံရှင်နှစ်ဦးက ပြောပြခဲ့တယ်လို့ ဒေါက်တာကလပ်ခ်ရဲ့ဆောင်းပါးအတွင်း၌ ဖော်ပြခဲ့ပါတယ်။

- Advertisement -

ဒါ့အပြင် အဆိုပါအိမ်ကြီးအတွင်း ဝင်ရောက်မီးငြိမ်းသတ်ခဲ့ကြသည့် မီးသတ်သမားများကလည်း ပန်းချီကားနဲ့ ပတ်သက်ပြီး ထိတ်လန့်တုန်လှုပ်ဖွယ်ရာများ တွေ့ရှိခဲ့ကြကြောင်း ချက်ချင်းဆိုသလိုပဲ သတင်းများ ပျံ့နှံ့သွားခဲ့ပေမယ့် လုံလောက်တဲ့ သတင်းထုတ်ပြန်ချက်များ၊ ဖြေရှင်းမှုများ မပြုလုပ်ခဲ့ကြကြောင်းလည်း သိရပါတယ်။

- Advertisement -

ယခုကဲ့သို့ သတင်းများ ပျံ့နှံ့လာပြီးနောက်တွင် အခြားသောပုဂ္ဂိုလ်များကလည်း ကျိန်စာသင့်နေသည့် အဆိုပါပန်းချီကားနဲ့ပတ်သက်ပြီး ၄င်းတို့ရဲ့ အတွေ့အကြုံများကို မျှဝေခဲ့ကြပါတယ်။ အမျိုးသမီးတစ်ယောက်ကလည်း သူမအနေနဲ့ ဒီပန်းချီကားကို မီးရှို့ဖျက်ဆီးသည်အထိ ကြိုးစားခဲ့ပေမယ့် နောက်ဆုံးတွင်မူ အဆိုပါပန်းချီကားကို လုံးဝဖျက်ဆီး၍မရကြောင်း ပြောကြားသွားပါတယ်။ နောက်ထပ်အမျိုးသမီးတစ်ဦးကလည်း သူမရဲ့ ခင်ပွန်းသည်နဲ့ သားသုုံးယောက်တို့ရဲ့ ကွယ်လွန်မှုက အဆိုပါ ပန်းချီကားနဲ့ ပတ်သက်ဆက်စပ်နေကြောင်း အတိအလင်း ပြောကြားသွားပါတယ်။

ထင်ရှားကျော်ကြားတဲ့ ဖြစ်ရပ်တစ်ခုကတော့ ဒိုင်ယာဘလိုလို့ အမည်ရသည့် ကောင်လေးတစ်ယောက်က အဆိုပါပန်းချီကားကို ဖျက်ဆီးဖို့အတွက် ပန်းချီပြခန်းတစ်ခုလုံးကို မီးရှို့ပစ်ခဲ့ပြီး နောက်ပိုင်းတွင်မူ သူကိုယ်တိုင်လည်း မီးလောင်ကျွမ်းခံလိုက်ရပါတယ်။

တွစ်တာအသုံးပြုသူ အမျိုးသမီးတစ်ဦးမှလည်း သူမရဲ့ တွစ်တာစာမျက်နှာမှတစ်ဆင့် ကျိန်စာသင့်ပန်းချီကားကို ဓာတ်ပုံရိုက်ကူးကာ “ ဒီပန်းချီကားကို ဝယ်ယူခဲ့တဲ့သူတွေရဲ့အိမ်တွေဟာ မီးလောင်ပြီး ပြာကျသွားပေမယ့် ဒီပန်းချီကားကတော့ မီးတောင်မစွဲခဲ့ဘူးလို့ ပြောကြပါတယ်။ ကျွန်တော်ကတော့ ဒါကို မယုံပါဘူး။ ဒါပေမယ့်လည်း ကျွန်တော့်အနေနဲ့ ဒီပန်းချီကားကို ဝယ်မှာမဟုတ်ဘူး။” ဆိုပြီး ရေးသားခဲ့တယ်လို့လည်း သိရှိရပါတယ်။ ၂၀၁၈ ခုနှစ်အတွင်းမှာလည်း အမျိုးသမီးတစ်ယောက်က “ကျွန်မဘိုးဘွားတွေဆီမှာ ဒီလိုပုံတူပန်းချီကားမျိုးရှိပါတယ်။ ညဘက်ကျတော့ ကောင်မလေးတစ်ယောက်က တယောတီးနေတာကြောင့် ကျွန်မကတော့ အိပ်ရာဝင်ရတာကိုတောင် မုန်းတီးလာပါတယ်။” ဆိုပြီးတော့လည်း ပြောကြားခဲ့ပါတယ်။

သို့သော်လည်း ဒီလိုဖြစ်ရပ်များနဲ့ ပတ်သက်ပြီး ပရော်ဖက်ဆာ ပါကစ်က “လူတွေပြောနေကြတဲ့ ကိစ္စတွေက အကျိုးအကြောင်း ဆက်စပ်မှုမရှိပါဘူး။ အထူးသဖြင့် မမျှော်လင့်ထားတဲ့ ဘေးအန္တရာယ်တွေနဲ့ ကြုံခဲ့ရတဲ့ အဖြစ်အပျက်တွေမှာပေါ့။ သူတို့ရဲ့အိမ်တွေ မီးလောင်ကျွမ်းခံရတာက သူတို့ရဲ့ ပေါ့လျော့မှုကြောင့် ဒါမှမဟုတ် မီးဖိုပေါ် ဒယ်အိုးတင်ပြီး မီးမပိတ်ဘဲမေ့သွားတာကြောင့် မဟုတ်ဘဲ ဒီလိုပန်းချီကားတစ်ချပ်ကြောင့်ဆိုပြီး အပြစ်တင်ရတာ တော်တော်သက်တောင့်သက်သာရှိတဲ့ပုံပါပဲ။ တကယ်လို့ ကျိန်စာသင့်နေတဲ့ ပန်းချီကားက မီးလောင်စေတယ်ဆိုရင် ခင်ဗျားက မီးဖိုပေါ်မှာတစ်ခုခုတင်ထားခဲ့ပြီး သတိမေ့သွားလို့ဆိုတာထက်ပိုပြီး စိတ်ဝင်စားဖို့ ကောင်းပါလိမ့်မယ်။ ခင်ဗျားဆီမှာလည်း တာဝန်မရှိတော့ဘူးပေါ့။” ဆိုပြီး UNILAD ကို ပြောကြားသွားခဲ့ပါတယ်။

<Unicode Version>

 

#soshwe

#soshweentertainment

#soshweforyourdailylife

#likeandshare

- Advertisement -

Must Read