HomeHome & Propertyကမ္ဘာ့ပထမဦးဆုံးဖြစ်လာမယ့် ရေပေါ်ကျွန်းစုမြို့။

ကမ္ဘာ့ပထမဦးဆုံးဖြစ်လာမယ့် ရေပေါ်ကျွန်းစုမြို့။

- Advertisement -

ရာသီဥတုပြောင်းလဲမှုဟာ ပင်လယ်ရေမျက်နှာပြင်ကို စဉ်ဆက်မပြတ် မြင့်တက်လာမှုတွေ ဖြစ်ပေါ်စေတာကြောင့် Maldives ကျွန်းစုနိုင်ငံဟာလည်း အနာဂါတ်မှာ မြင့်တက်လာတဲ့ ရေပြင်အောက်မှာ ပျောက်ကွယ်သွားလိမ့်မယ်လို့ ပညာရှင်တွေက ခန့်မှန်းသတိပေးပြီးနောက်မှာ အစိုးရအဖွဲ့အနေနဲ့ ရေပေါ်မြို့ကို တည်ဆောက်ဖို့ စီစဉ်လာပါတော့တယ်။

NASA ရဲ့ အဆိုအရ Maldives ဟာ ကမ္ဘာပေါ်က မြေအနိမ့်ဆုံးဒေသမှာ ဖြစ်တည်နေတဲ့နိုင်ငံဖြစ်ပြီး ပျမ်းမျှပင်လယ်ရေပြင်အထက် ၃.၃ ပေမှာ တည်ရှိနေပါတယ်။ အကယ်၍ ခန့်မှန်းချက်တွေကသာ မှန်ကန်မယ်ဆိုရင် အိန္ဒိယသမုဒ္ဒရာမြောက်ပိုင်းမှာရှိနေတဲ့ Maldives ဟာ ဒေသခံတွေ ရှင်သန်ရပ်တည်နိုင်ဖို့အတွက် ရေရှည်တည်တံ့တဲ့ အိမ်ယာတွေကို ဖန်တီးတည်ဆောက်ပေးဖို့ လိုအပ်လာတော့မှာပဲဖြစ်ပါတယ်။

- Advertisement -

- Advertisement -

Maldives Floating City (MFC) ကို Male မြို့ကနေ မိနစ်အနည်းငယ်သာကွာဝေးတဲ့ ပင်လယ်ထုံးအိုင်အတွင်းမှာ တည်ဆောက်မှာဖြစ်တယ်လို့ ကနဦးသတင်းတွေအရ သိရှိရပါတယ်။ Maldives ရေပေါ်မြို့ရှိ အခြေခံအဆောက်အအုံများ တည်ဆောက်ရာတွင် ကမ္ဘာ့ထိပ်သီးနေရာမှာရှိနေတဲ့ နယ်သာလန်အခြေစိုက် Dutch Docklands က ဒီဇိုင်းရေးဆွဲမှာဖြစ်ပြီး ဒီဇိုင်းပုံစံအနေနဲ့ ဆဋ္ဌဂံဝင်္ကပါနဲ့ဆင်တူသလို သန္တာကျောက်တန်းနဲ့လည်း ဆင်တူနေပါတယ်။ ရေပေါ်စနစ်ကို ဘယ်လိုတည်ငြိမ်အောင် လုပ်မလဲဆိုရင်တော့ အခြေခိုင်တဲ့ ကျွန်းစုစည်းဝိုင်းအတွင်းမှာ ကျောက်ဆူးချထားမယ်လို့ သိရပါတယ်။

- Advertisement -

ရေပေါ်ကျွန်းစုမြို့ကို ပင်လယ်ထုံးအိုင်ထဲမှာ နေရာချထားရခြင်းရဲ့ အဓိကအကြောင်းအရင်းကတော့ ခိုင်မြဲတဲ့တည်ငြိမ်မှုကို ဖန်တီးနိုင်ဖို့အတွက် ဖြစ်ပါတယ်။ ရေပေါ်မြို့တစ်မြို့လုံးရဲ့ အကျယ်အဝန်းဟာ ဟက်တာ ၁၀၀ ခန့်ရှိပြီး မြို့အတွင်းက သီးခြားအဆောက်အဦးတွေပေါ်မှာ လူနေအိမ်တွေနဲ့ စီးပွါးဖြစ်လုပ်ငန်းတွေကိုလည်း ထည့်သွင်းတည်ဆောက်သွားမယ်လို့ သိရှိရပါတယ်။ အဆိုပါရေပေါမြို့ကို Maldives ရဲ့ ရှေးဟောင်းဒေသခံ ဗိသုကာလက်ရာတွေနဲ့ ပင်လယ်ရေးကြောင်းယဉ်ကျေးမှုတွေကို မှီငြမ်းပြီး တည်ဆောက်သွားမယ်လို့ သိရပါတယ်။

ဆဋ္ဌဂံသန္တာကျောက်တန်းပုံ ဖွဲ့စည်းထားတဲ့ အခြေခံအုတ်မြစ်ဟာ ထောင်ချီတဲ့အိမ်တွေကို မ,တည်ပေးထားနိုင်မှာဖြစ်ပြီး စတုရန်းပေ ၁၀၀၀ ခန့်အတွက် ဒေါ်လာ ၂၅၀၀၀၀ တန်ဖိုးရှိ အိမ်တစ်အိမ်စီမှာ ခေါင်မိုးလှေကားထစ်တွေလည်း ပါဝင်မှာ ဖြစ်ပါတယ်။ ဒီဇိုင်နာတွေရဲ့ ပြောကြားချက်အရ ၄င်းတို့ရဲ့ရည်မှန်းချက်ဟာ ဒေသခံရိုးရာငါးဖမ်းမိသားစုတွေကို ရေပေါ်မြို့မှာ နေထိုင်ခွင့်ရစေဖို့ ဖြစ်တယ်လို့ သိရှိရပြီး ဒေသခံတွေအနေနဲ့ အိမ်ယာစျေးနှုန်းဟာ မြင့်မားလွန်းတာမို့ ထောက်ပံ့ကြေးပေးထားတဲ့ အိမ်ယာကိုသာ ရွေးချယ်ကြလိမ့်မယ်လို့ ခန်းမှန်းရပါတယ်။

အခုချိန်မှာတော့ ကမ္ဘာတစ်ဝှမ်းမှာ ရိုးရာရေပေါ်မြို့တွေ တည်ရှိနေပြီဖြစ်ပေမယ့်လည်း Maldives က ရေပေါမြို့ကိုတော့ လူနေအိမ်နဲ့ အခြားသော အခြေခံအဆောက်အအုံတွေနဲ့ ပေါင်းစပ်တည်ဆောက်ထားတဲ့ ထူးခြားတဲ့ပေါင်းစပ်မှုတစ်ခုအဖြစ် မြင်တွေ့ရမှာဖြစ်ပါတယ်။ အဆိုပါရေပေါ်မြို့ကို ထုံးအိုင်အတားအဆီးနဲ့ ဝန်းရံထားပြီး သာယာအဆင်ပြေတဲ့ အခင်းအကျင်းများစွာကိုလည်း ထည့်သွင်းတည်ဆောက်ပေးသွားမယ်လို့ သိရှိရပါတယ်။

စီမံကိန်းရဲ့ရလဒ်အနေနဲ့ကတော့ ထောင်ချီတဲ့အိမ်တွေ ၊ စီးပွါးဖြစ်နေရာအများအပြားနဲ့ ဒေသခံတွေအတွက် အကျိုးရှိစေမယ့် စာသင်ကျောင်းနဲ့ ဆေးရုံတွေပါဝင်တဲ့ ရေပေါ်မြို့ကြီး ပေါ်ပေါက်လာမှာပဲဖြစ်ပါတယ်။ ပင်လယ်ရေမျက်နှာပြင် မြင့်တက်လာတာနဲ့အမျှ ရေပေါ်မြို့ကို ပိုမိုတည်ငြိမ်မှုရရှိစေဖို့ မော်ဂျူးဆက်သွယ်မှုကို ထည့်သွင်းတပ်ဆင်ထားပါတယ်။ အဆိုပါစီမံကိန်းနဲ့အတူ Maldives လိုမျိုး အခြားကျွန်းစုနိုင်ငံတွေဖြစ်တဲ့ Micronesia နဲ့ Nauru တို့ဟာလည်း ၎င်းတို့ရဲ့နယ်နိမိတ်အတွင်းမှာ ရာသီဥတုပြောင်းလဲမှုအန္တရာယ်ကို ကာကွယ်ဖို့အတွက် ဒီနည်းလမ်းကို အသုံးပြုလာနိုင်ပါတယ်။

<Unicode Version>

 

#soshwehomeandproperty

#soshweforyourdailylife

#likeandshare

 

- Advertisement -

Must Read