HomeTechအလုပ်သမားရှားပါးသည့်ပြဿနာကို စက်ရုပ်များဖြင့် ဖြေရှင်းတော့မည့် ဂျပန်နိုင်ငံ။

အလုပ်သမားရှားပါးသည့်ပြဿနာကို စက်ရုပ်များဖြင့် ဖြေရှင်းတော့မည့် ဂျပန်နိုင်ငံ။

- Advertisement -

ဂျပန်နိုင်ငံသည် ကမ္ဘာပေါ်၌သက်ကြီးရွယ်အိုအများဆုံးနိုင်ငံတစ်နိုင်ငံဖြစ်ပြီး နိုင်ငံအတွင်းရှိ လူဦးရေ (၃) ပုံ (၁) ပုံက အသက် (၆၅) နှစ်နဲ့အထက်ဖြစ်နေခြင်းကြောင့် အလုပ်သမားရှားပါးသည့် ပြဿနာများဖြင့် ရင်ဆိုင်နေရပါတယ်။ သို့ဖြစ်ရာ ဂျပန်နိုင်ငံအတွင်းရှိ နာမည်ကြီးစတိုးဆိုင် (၂) ဆိုင်ဖြစ်သည့် FamilyMart နဲ့ Lawson တို့က လူသားများရဲ့နေရာ၌ စက်ရုပ်များဖြင့် အစားထိုးရန်ပြင်ဆင်လာကြောင်း သိရှိရပါတယ်။

လက်ရှိအချိန်တွင် Lawson က တိုကျိုမြို့ရှိ ၎င်းတို့ရဲ့စတိုးဆိုင်တစ်ခု၌ ပထမဆုံးစက်ရုပ်အလုပ်သမားကို စတင်အသုံးပြုနေပြီး FamilyMart ကလည်း အဆိုပါအစီအစဉ်ကို စတင်ခဲ့ကြောင်း သိရှိရပါတယ်။ ဒါ့အပြင် FamilyMart အနေဖြင့် ယခုနှစ်အတွင်း နိုင်ငံအတွင်းရှိ စတိုးဆိုင်များအနက် စတိုးဆိုင်ပေါင်း (၂၀) ၌ စက်ရုပ်အလုပ်သမားများကို ခန့်အပ်ထားရန် အစီအစဉ်ရေးဆွဲထားပါတယ်။ (၇) ပေရှည်လျားသည့် အဆိုပါစက်ရုပ်များ၌ မိုက်ကရိုဖုန်း၊ ကင်မရာနဲ့ ဆင်ဆာအားလုံးပါဝင်ပြီး ပစ္စည်းများနေရာချထားရေးအတွက် လက်နှစ်ဖက်မှ လက်ချောင်း (၃) ချောင်းစီကိုသာ အသုံးပြုလေ့ရှိကြောင်းလည်း သိရှိရပါတယ်။

- Advertisement -

ဒါ့အပြင် ယခုအလုပ်ခန့်ထားသည့် စက်ရုပ်များသည် မတူညီသည့်ပစ္စည်းများ၊ ကွဲပြားခြားနားသည့် ပုံစံအရွယ်အစားတိုင်းကို ယူဆောင်နေရာချထားနိုင်ပြီး ယခင်အသုံးပြုခဲ့သည့် စက်ရုပ်များမှာမူ တူညီသည့် ပစ္စည်းအရွယ်အစား၊ ပုံစံတို့ကိုပဲ သတ်မှတ်ထားသည့်နေရာအတိုင်းသာ သယ်ယူပို့ဆောင်ပေးနိုင်ခြင်းကြောင့် ယခုစက်ရုပ်သည် ယခင်က အသုံးပြုလျက်ရှိသည့် စက်ရုပ်များထက် အားသာချက် ပိုမိုများပြားနိုင်ပါတယ်။ ဂျပန်နိုင်ငံ၌ ယခုကဲ့သို့ စက်ရုပ်များကို အလုပ်သမားအစားထိုးအသုံးပြုရမည့်ကိစ္စရပ်က စမ်းသပ်နေဆဲဖြစ်ပြီး အကယ်၍သာ အောင်မြင်ခဲ့ပါက လူတစ်ယောက်တည်းမှပင် မတူညီသည့်စတိုးဆိုင်များမှ စက်ရုပ်များကို ထိန်းချုပ်ခြင်းဖြင့် အလုပ်သမားလိုအပ်ချက်မြင့်မားမှုကို လျှော့ချပေးနိုင်မည်ဖြစ်ပါတယ်။

- Advertisement -

ယခုနှစ်အတွင်း ထွက်ပေါ်ထားသည့် အချက်အလက်များအရ ဂျပန်နိုင်ငံ၌ လက်ရှိလုပ်ကိုင်နေသည့် အလုပ်သမားများထဲမှ (၂၇) ရာခိုင်နှုန်းကို လာမယ့် (၂၀၃၀) ပြည့်နှစ်၌ အလိုအလျောက်အနားပေးရမည်ဖြစ်ပြီး အလုပ်သမား (၁၆) သန်း အစားထိုးရန်လိုအပ်နေပေမယ့် လက်ရှိအနေအထားအရ အလုပ်သမား (၁.၅) သန်းအထိ လိုအပ်ချက်ရှိနိုင်ကြောင်း သိရှိရပါတယ်။ သို့ဖြစ်ရာ ယခင်တည်းက နည်းပညာပိုင်းဆိုင်ရာ ဖွံ့ဖြိုးတိုးတက်လျက်ရှိသည့် ဂျပန်နိုင်ငံက ဝန်ထမ်းနေရာအတွက် လူသားများအစား စက်ရုပ်များဖြင့် အစားထိုးရန် ပြင်ဆင်လာခြင်းဖြစ်ပြီး ယခုကဲ့သို့ ကိုရိုနာဗိုင်းရပ်စ်ကာလအတွင်း စက်ရုပ်များကို အသုံးပြုခြင်းက လူသားအချင်းချင်း ရောဂါပိုးကူးစက်မှုကို လျှော့ချပေးနိုင်မည်လည်းဖြစ်ပါတယ်။

- Advertisement -

<Unicode Version>

 

#soshwetech

#soshweforyourdailylife

#likeandshare

- Advertisement -

Must Read