အိမ်မှာနေရင်း အိမ်အသစ်ရှာဖွေခြင်းကနေ ရရှိလာမယ့် အကျိုးကျေးဇူး (၃) ခု။

အိမ်အသစ်ရှာဖွေနေသူ ဒါမှမဟုတ် အိမ်ပြောင်းနေဖို့ စိတ်ကူးနေတယ်ဆိုရင်တော့ အခုဆောင်းပါးလေးကို ဖတ်ရှုပေးဖို့ အကြံပေးပါရစေ။ အခုခေတ်မှာတော့ လူမှုကွန်ရက်ကို တွင်ကျယ်စွာအသုံးပြုလာကြပြီမို့ အိမ်အသစ်ရှာနေသူတွေကလည်း လူမှုကွန်ရက်ကနေပဲ မိမိနေလိုတဲ့အိမ်လေးကို အလွယ်တကူ ရှာဖွေနိုင်ပြီပဲ ဖြစ်ပါတယ်။ ဒါကြောင့် အိမ်မှာနေရင်း လူမှုကွန်ရက်ကနေ အိမ်အသစ်ရှာဖွေရာကနေ ရရှိလာမယ့် အကျိုးကျေးဇူး ၃ ခုကို ဖော်ပြပေးလိုက်ပါတယ်။

၁။ စိတ်ကြိုက်ရှာဖွေနိုင်တယ်။

အိမ်အသစ်ပြောင်းဖို့ စီစဉ်သတ်မှတ်ထားတဲ့ ငွေပမာဏအပေါ်မှာမူတည်ပြီး ကိုယ့်ရဲ့အကြိုက်နဲ့ ကွက်တိဖြစ်မယ့် အိမ်အသစ်ကို နေပူထဲသွားစရာမလို ၊ လမ်းတွေအများကြီးလျှောက်စရာမလိုပဲ ကွန်ပြူတာလေးရှိရုံနဲ့ Online Property Website တွေမှာ ရှာဖွေနိုင်ပါပြီ။

၂။ အိမ်ခြံမြေဈေးကွက်အကြောင်းကိုလည်း လေ့လာပါ။

အိမ်မှာနေရင်း ကွန်ပြူတာကိုအသုံးပြုပြီး အိမ်အသစ်ရှာဖွေနေရင်းနဲ့ အိမ်ခြံမြေဈေးကွက်အကြောင်းကိုလည်း လေ့လာထားပါ။ ဒီလိုမျိုးလေ့လာထားချင်းက ကိုယ့်ရဲ့အကြိုက်နဲ့ ကိုက်ညီတဲ့ အိမ်အသစ်လေးကို ရှာဖွေတဲ့အခါမှာ အထောက်အကူဖြစ်စေမှာ အသေအချာပဲဖြစ်ပါတယ်။

၃။ ဒီဂျစ်တယ်နည်းပညာကိုအသုံးပြုပြီး ရှာဖွေလေ့လာပါ။

အိမ်ခြံမြေအကျိုးဆောင်အများစုက ဝယ်ယူလိုသူတွေကို ကွန်ပြူတာကနေတဆင့် အိမ်ရဲ့အတွင်းအပြင် အလှဆင်မှုတွေ၊ အိမ်ရဲ့အနေအထားတွေနဲ့ အိမ်ရဲ့ပတ်ဝန်းကျင်တွေကို ဓာတ်ပုံတွေ၊ ဗီဒီယိုတွေကနေတစ်ဆင့် ပြသပေးထားတာကြောင့် အိမ်အသစ်ရှာဖွေသူအနေနဲ့ သိပ်ပြီးခေါင်းခဲစရာမလိုတော့ဘူးပေါ့နော်။

အိမ်မှာနေရင်း အိမ်အသစ်ကိုရှာဖွေပြီးပြီဆိုရင်တော့ အိမ်ခြံမြေအကျိုးဆောင်တွေရဲ့ အကူအညီနဲ့ သေသပ်တဲ့အိမ်အသစ်လေးမှာ ပျော်ရွှင်စွာနေထိုင်နိုင်ဖို့အတွက် ဆုတောင်းပေးလိုက်ပါတယ်။

<Unicode Version>

#soshwehomeandproperty

#soshweforyourdailylife

#likeandshare