HomeHome & Propertyမြို့တော်သစ်တည်ဆောက်မည့် အင်ဒိုနီးရှားနိုင်ငံအပေါ် ရင်းနှီးမြှုပ်နှံသူများ ပိုမိုစိတ်ဝင်စားလာ။

မြို့တော်သစ်တည်ဆောက်မည့် အင်ဒိုနီးရှားနိုင်ငံအပေါ် ရင်းနှီးမြှုပ်နှံသူများ ပိုမိုစိတ်ဝင်စားလာ။

- Advertisement -

အင်ဒိုနီးရှားနိုင်ငံသည် မြို့တော်သစ်ကို စတင်တည်ဆောက်ရန်ပြင်ဆင်နေပြီး ဒေါ်လာ (၃၄) ဘီလီယံကုန်ကျမည့် အဆိုပါစီမံကိန်း၌ရင်းနှီးမြှုပ်နှံရန်အတွက် စိတ်ဝင်စားသူများတိုးပွားလျက်ရှိကြောင်း သိရှိရပါတယ်။ အဆိုပါစီမံကိန်းအတွက် ကုန်ကျမည့်ငွေကြေးပမာဏကို Softbank က တရားဝင် အတည်ပြုကြေညာခြင်း မရှိသေးသော်လည်း အင်ဒိုနီးရှားနိုင်ငံရဲ့ ရေကြောင်းနဲ့ရင်းနှီးမြှုပ်နှံမှုညှိနှိုင်းရေးဆိုင်ရာဝန်ကြီးဖြစ်သူ hut Pandjaitan ကမူ ဟောင်ကောင်နဲ့ တောင်ကိုရီးယား ရင်းနှီးမြှုပ်နှံသူများက အဆိုပါစီမံကိန်း၌ ဒေါ်လာဘီလီယံနဲ့ချီပြီး ရင်းနှီးမြှုပ်နှံရန် စိတ်ဝင်စားနေကြောင်း ထုတ်ဖော်ပြောကြားခဲ့ပါတယ်။

အင်ဒိုနီးရှားနိုင်ငံရဲ့လက်ရှိမြို့တော်သည် ဂျာကာတာမြို့ပင်ဖြစ်လင့်ကစား မြို့တော်အတွင်း ဆိုးရွားသည့် ပိတ်ဆို့မှုများနဲ့ အမြဲလိုလိုရေကြီးရေလျှံမှုများကြောင့် ယခုကဲ့သို့ မြို့တော်သစ်ကို တည်ဆောက်ရန် စီစဉ်ခဲ့ကြခြင်းဖြစ်ပါတယ်။ ယခုတည်ဆောက်မည့်မြို့သစ်ကို ဘော်နီယိုကျွန်းပေါ်၌ တည်ဆောက်သွားရန် ပြင်ဆင်ထားပြီး (၂၀၂၄) ခုနှစ်၌ ပြောင်းရွှေ့နေထိုင်နိုင်ရန် ပစ်မှတ်ထားနေကြပါတယ်။ အဆိုပါမြို့သစ်၌ လူဦးရေ (၆) သန်းအထိ နေထိုင်နိုင်ပြီး အင်ဒိုနီးရှားနိုင်ငံရဲ့ စီးပွားရေးအချက်အချာကျရာ ဂျာဗားကျွန်းကိုပင် ကျော်လွန်ပြီး စီးပွားရေးတိုးတက်နိုင်ဖွယ်ရှိပါတယ်။

- Advertisement -

JLL အင်ဒိုနီးရှားရဲ့ သုတေသနမန်နေဂျာတစ်ဦးဖြစ်သူ Yunus Karim က “မြို့သစ်စီမံကိန်းကို ဦးဆောင်တဲ့ ကော်မတီအဖွဲ့ဝင်တွေထဲမှာ Softbank နဲ့ ဗြိတိန်ဝန်ကြီးချုပ်ဟောင်း Tony Blair တို့လိုပုဂ္ဂိုလ်တွေ ပါဝင်နေတာက နိုင်ငံခြားရင်းနှီးမြှုပ်နှံမှုတွေကို ပိုမိုဆွဲဆောင်နိုင်မှာပါ။ ဒါ့အပြင် ဒီကနေတစ်ဆင့် အင်ဒိုနီးရှားအစိုးရအနေနဲ့ နိုင်ငံတကာအသိုင်းအဝိုင်းမှာ ပိုပြီးလူဝင်ဆံ့ဖို့ အလားအလာကောင်းတွေ ရှိနေပါတယ်။” ဟု သုံးသပ်ပြောကြားသွားခဲ့ပါတယ်။

- Advertisement -

အင်ဒိုနီးရှားသမ္မတဖြစ်သူ Joko Widodo က ယခုတည်ဆောက်မည့် မြို့သစ်စီမံကိန်း၌ နောက်ဆုံးပေါ် နည်းပညာများကို ထည့်သွင်းတည်ဆောက်သွားမည်ဟု ဆိုထားပြီး မြို့ပြဖွံ့ဖြိုးတိုးတက်မှုက နိုင်ငံသူနိုင်ငံသားများ၊ စီးပွားရေးလုပ်ငန်းများနဲ့ ရင်းနှီးမြှုပ်နှံသူများအတွက် အရေးပါကြောင်း သက်သေပြနိုင်ရန် ရည်ရွယ်ထားပါတယ်။ Karim ကလည်း “မြို့သစ်စီမံကိန်းအတွက် ပုံကြမ်းရေးဆွဲနေချိန်မှာတင် ဒီစီမံကိန်းမှာ ရင်းနှီီးမြှုပ်နှံဖို့အတွက် စိတ်ဝင်စားသူတွေ တိုးပွားလာပါတယ်။ စမတ်ကျပြီး စိမ်းလန်းတဲ့မြို့တစ်မြို့ကို နည်းပညာတွေ၊ စွမ်းအင်အရင်းအမြစ်တွေနဲ့ ပေါင်းစပ်တည်ဆောက်ဖို့ ကြိုးပမ်းနေတာကြောင့် အခုလိုပဲ စိတ်ဝင်စားမှုတွေ ပိုမိုမြင့်တက်လာတာပါ။” ဟု ပြောကြားခဲ့ပါတယ်။

- Advertisement -

ဒါ့အပြင် အင်ဒိိုနီးရှားအစိုးရက စီစဉ်ထားသည့် မြို့သစ်အတွင်း သယ်ယူပို့ဆောင်ရေးစနစ်ကလည်း ဒေသခံ Go- Jek နဲ့ Softbank ကို ကျောထောက်နောက်ခံပြုထားသည့် Grab တို့အတွက် မျက်စိကျစရာဖြစ်နေပြီး ပြိုင်ဆိုင်မှုပြင်းထန်သည့် အဆိုပါကုမ္ပဏီနှစ်ခုအနေဖြင့် မြို့သစ်စီမံကိန်းအတွက် မိတ်ဖက်ကုမ္ပဏီများပင် ဖြစ်လာနိုင်ပါတယ်။ မြို့သစ်စီမံကိန်း၌ လမ်းများဆောက်လုပ်ခြင်း၊ ရေပေးဝေခြင်းနဲ့ လျှပ်စစ်ဓာတ်အားပေးခြင်း လုပ်ငန်းများအတွက် လိုအပ်သည့် အဆောက်အဦးများကို ဦးစားပေးဆောက်လုပ်သွားရန် ပြင်ဆင်ထားပါတယ်။

ဒါပေမယ့် ယခုကဲ့သို့ မြို့သစ်တည်ဆောက်ခြင်းက လက်ရှိမြို့တော်ဂျာကာတာရဲ့ အရေးပါအရာရောက်မှုကို လျှော့ချသွားမည်မဟုတ်ဘဲ ဂျာကာတာမြို့ကို အရှေ့တောင်အာရှဒေသရဲ့ အရေးပါသည့် ကုန်သွယ်ရေး အချက်အချာဒေသတစ်ခုအဖြစ် ဆက်လက်ထားရှိသွားမည်ဖြစ်ကြောင်း၊ ဂျာကာတာမြို့ပြဖွံ့ဖြိုးတိုးတက်မှုအတွက် ဒေါ်လာ (၄၀) ဘီလီယံပြင်ဆင်ထားကြောင်း ဂျာကာတာအခြေစိုက် စီးပွားရေးလုပ်ငန်းများကို သမ္မတ Joko Widodo က ဖွင့်ဟပြောကြားထားပါတယ်။

မြို့သစ်စီမံကိန်းနဲ့ ပတ်သက်၍လည်း Karim က “မြို့သစ်တည်ဆောက်တဲ့နေရာမှာ စည်းမျဉ်းစည်းကမ်းတွေက အဓိကသော့ချက်တစ်ခုဖြစ်လာပါလိမ့်မယ်။ အစိုးရက စိမ်းလန်းတဲ့မြို့ကိုတည်ဆောက်တဲ့နေရာမှာ ဒီပြည်နယ်ရဲ့ သစ်တောပြုန်းတီးမှုကို တားဆီးဖို့နဲ့ မြို့သစ်တည်ဆောက်တဲ့နေရာမှာ မထင်မှတ်ဘဲ ရင်ဆိုင်ရမယ့် အန္တရာယ်တွေကို ရှောင်ရှားနိုင်ဖို့အတွက် တင်းကျပ်တဲ့အုပ်ချုပ်ရေးစနစ်လိုအပ်ပါတယ်။” ဟု အဆုံးသတ်ပြောကြားသွားခဲ့ပါတယ်။

<Unicode Version>

 

#soshwehomeandproperty

#soshweforyourdailylife

#likeandshare

 

- Advertisement -

Must Read