HomeEducationကျွမ်းကျင်ဆရာ၊ ဆရာမဖြစ်စေရန်အတွက်နည်းလမ်းကောင်းအသွယ်သွယ်။

ကျွမ်းကျင်ဆရာ၊ ဆရာမဖြစ်စေရန်အတွက်နည်းလမ်းကောင်းအသွယ်သွယ်။

- Advertisement -

ယနေ့ခေတ်မြန်မာနိုင်ငံအတွင်းရှိ ကျောင်းများ၊ တက္ကသိုလ်များ၌ နိုင်ငံခြားသားဆရာ၊ ဆရာမများ တစ်စထက်တစ်စ နေရာယူလာခဲ့ပြီး ပုဂ္ဂလိကစာသင်ကျောင်းများပေါ်ပေါက်လာသည်နဲ့တစ်ပြိုင်နက် ဆရာ၊ ဆရာမလိုအပ်ချက်ကလည်း ယခင်ထက်ပိုမိုများပြားလာခဲ့ပါတယ်။ အင်္ဂလိပ်စာကျွမ်းကျင်မှုကို အလွန်အမင်းတောင်းဆိုလာသည့် ခေတ်ကာလအတွင်း၌ နိုင်ငံခြားမှဆရာ၊ ဆရာမများ မြန်မာပြည်ပညာရေးလောကအတွင်း ထိုးဖောက်ဝင်ရောက်လာခြင်းက ကျောင်းသားများ အင်္ဂလိပ်စာတိုးတက်ရေးအတွက် အကျိုးရှိစေသလို အလုပ်အကိုင်အခွင့်အလမ်းအတွက် ဒေသတွင်းရှိ ဆရာ၊ ဆရာမများနဲ့လည်း အပြိုင်အဆိုင်ကြိုးပမ်းရမည်ဖြစ်ပါတယ်။ သို့ဖြစ်ရာ ကျွမ်းကျင်အဆင့်ဆရာ၊ ဆရာမများ ဖြစ်လာစေရေးအတွက် လိုအပ်သည့်နည်းစနစ်များကို ဖော်ပြပေးလိုက်ရပါတယ်။

 

- Advertisement -

၁။ အရည်အချင်းပြည့်ဝနေပါစေ။

- Advertisement -

ဆရာ၊ ဆရာမတစ်ယောက်ဖြစ်ရန်အတွက် တက္ကသိုလ်ဘွဲ့တစ်ခုခုမဖြစ်မနေလိုအပ်ပြီး အနိမ့်ဆုံးအနေဖြင့် ပြည်နယ်မှ ထုတ်ပေးထားသည့် စာသင်ကြားရန်အရည်အချင်းပြည့်မှီကြောင်း လက်မှတ်တစ်စောင် မဖြစ်မနေ လိုအပ်ပါတယ်။ မိမိကိုယ်တိုင်က အင်္ဂလိပ်စာအထူးပြုမဟုတ်လင့်ကစား အင်္ဂလိပ်စာဘာသာရပ်ကို သင်ယူရန်ဆန္ဒရှိပါက Cambridge CELTA သို့မဟုတ် Trinity Certified TESOL တစ်ခုခုရရှိထားပါက ကိုယ့်ကိုယ်ကို ပိုမိုယုံကြည်မှုရှိနေမည်လည်း ဖြစ်ပါတယ်။ မြန်မာနိုင်ငံရှိ ပုဂ္ဂလိကကျောင်းများ၌ ဆရာ၊ ဆရာမများအတွက် လိုအပ်ချက်ကို ကြီးကြီးမားမား ကန့်သတ်ထားခြင်းမရှိပေမယ့် မိမိထံ၌လုံလောက်သည့် ပညာအရည်အချင်းရှိထားရန် လိုအပ်ပါတယ်။

- Advertisement -

 

၂။ ကိုယ့်ကိုယ်ကိုယ်နဲ့ကိုယ့်ကျောင်းအကြောင်းကို ကောင်းမွန်စွာသိရှိပါစေ။

မိမိတာဝန်ထမ်းဆောင်မည့်ကျောင်းက မည်ကဲ့သို့အမျိုးအစားဖြစ်သည်ဆိုခြင်းကို  ကောင်းမွန်စွာ သိရှိနားလည်ထားရန်လိုအပ်ပြီး ကျောင်းရဲ့အုပ်ချုပ်မှုစနစ်များမည်သည့်အနေအထားရှိသည်ဆိုခြင်းကို အဆိုပါကျောင်း၌ တာဝန်ထမ်းဆောင်ခဲ့ဖူးသည့် ဆရာ၊ ဆရာမဟောင်းများရဲ့ အွန်လိုင်းပေါ်မှတုံ့ပြန်မှုများကို ရှာဖွေဆန်းစစ်နိုင်ပါတယ်။

 

၃။ တတ်နိုင်သလောက် အွန်လိုင်းပေါ်မှအလုပ်မလျှောက်ပါနဲ့။

မြန်မာနိုင်ငံအတွင်း၌ မြန်မာနိုင်ငံသား ဆရာ၊ ဆရာမအတွက်တင်မဘဲ နိုင်ငံခြားသားဆရာ၊ ဆရာမအတွက်ပါ အလုပ်အကိုင်အခွင့်အလမ်း အများအပြားရှိပါတယ်။ ဒါပေမယ့် အဆိုပါအလုပ်အကိုင်အခွင့်အလမ်းများကို  တောင်ကိုရီးယားနဲ့တရုတ်နိုင်ငံတို့ကဲ့သို့ အွန်လိုင်းပေါ်၌ မြင်တွေ့ရန်ခက်ခဲပြီး အနည်းငယ်ကိုသာ အွန်လိုင်းပေါ်၌ မြင်တွေ့ရတတ်ပါတယ်။ နိုင်ငံတစ်နိုင်ငံ၌ အလုပ်မလုပ်ခင် အဆိုပါနိုင်ငံမှဆရာ၊ ဆရာမကောင်းများနဲ့ ဆက်ဆံရေးကောင်းတစ်ခုတည်ဆောက်ထားသင့်ပြီး အဆိုပါအချက်ကလည်း မိမိအတွက် ကောင်းကျိုးဖြစ်စေနိုင်မည့် အချက်တစ်ခုပင်ဖြစ်ပါတယ်။

 

၄။ ကျောင်းရဲ့တာဝန်ရှိသူများကို သေချာအကဲဖြတ်နိုင်ပါစေ။

အလုပ်လက်မခံခင် အင်တာဗျူး၌ပင် ကျောင်းရဲ့တာဝန်ရှိသူများ၊ အထူးသဖြင့် မန်နေဂျာများကို သေချာစွာ အကဲဖြတ်နိုင်ရန် လိုအပ်ပါတယ်။ အချို့သောနိုင်ငံခြားသားမန်နေဂျာများက မိမိကို ကူညီမည့်သူများဖြစ်သော်ငြားလည်း အချို့မှာမူ မိမိကိုဒုက္ခပေးမည့်၊ မိမိအရည်အချင်းများကို ပျက်စီးစေမည့်သူများဖြစ်နိုင်ပါတယ်။ အွန်လိုင်းမှတစ်ဆင့်လည်း မိမိနဲ့အလုပ်တွဲလုပ်မည့်သူများရဲ့ အကြောင်းအရာများကိုရှာဖွေနိုင်ပြီး အကယ်၍ မိမိအလုပ်ဝင်ရမည့်ကျောင်းက နာမည်ပျက်ရှိနေပါက အချိန်မှီရှောင်ရှားနိုင်ရန်လိုအပ်ပါတယ်။

 

၅။ အလုပ်သမားဥပဒေများကို ကျွမ်းကျင်စွာသိရှိထားပါစေ။

ကျွမ်းကျင်ဆရာ၊ ဆရာမတစ်ယောက်အနေဖြင့် ကျင့်ဝတ်နဲ့မညီသည့်ကျောင်းရဲ့ လိမ်လည်လှည့်ဖြားခြင်းကို ခံရနိုင်ချေနည်းပါးပေမယ့် မိမိအလှည့်၌ထိုကဲ့သို့မဖြစ်စေရန် အရေးကြီးပါတယ်။ စည်းမျဉ်းစည်းကမ်းနဲ့အညီ အလုပ်လုပ်ကိုင်နေသည့် ဆရာ၊ ဆရာမများကို တစ်လကြိုတင်အကြောင်းမကြားဘဲ  ကျောင်းမှထုတ်ပယ်ခွင့်မရှိခြင်းကို သိရှိနားလည်ထားရန်လိုအပ်ပြီး တစ်ပတ်အတွင်း အများဆုံးအလုပ်ချိန်၊ ခွင့်ရက်နဲ့ ပိတ်ရက်များ၌ တာဝန်ထမ်းဆောင်ရခြင်းအတွက် ရသင့်ရထိုက်သည့် အချိန်ပိုကြေးများကို အလုပ်သမားဥပဒေဖြင့် တင်းကြပ်ထားပါတယ်။ ဆရာ၊ ဆရာမများအနေဖြင့်လည်း မိမိတို့ရဲ့အလုပ်အကိုင်လုံခြုံရေးအတွက် အဆိုပါအလုပ်သမားဥပဒေများကို  ကောင်းစွာနားလည်ထားရန် လိုအပ်ပါတယ်။

 

၆။ လုပ်ဖော်ကိုင်ဖက်များနဲ့ အဆင်ပြေစွာပေါင်းသင်းဆက်ဆံတတ်ပါစေ။

အချို့သောကျွမ်းကျင်ထူးချွန် ဆရာ၊ ဆရာမများသည် တစ်ဦးတည်းသီးသန့်နေထိုင်တတ်ကြပမယ့် နိုင်ငံခြားမှဆရာ၊ ဆရာမများနဲ့ ဒေသတွင်းမှ ဆရာ၊ ဆရာမများ ပူးပေါင်းလုပ်ဆောင်ရသည့်အပိုင်းများ၌ နှစ်ဦးနှစ်ဖက် ခိုင်မာသည့်ဆက်ဆံရေးကောင်းများ တည်ဆောက်ထားခြင်းက အကျိုးရှိစေနိုင်ပါတယ်။ မြန်မာဆရာ၊ ဆရာမများသည် ကျောင်းသား၊ ကျောင်းသူများနဲ့ မည်ကဲ့သို့အဆင်ပြေပြေ နေထိုင်ရမည်ကို  ကောင်းစွာသိရှိထားပြီး အတန်းတစ်တန်းကို မည်သို့ပျော်ရွှင်အောင် စာသင်ကြားရမည်ကိုလည်း သိရှိထားခြင်းကြောင့် မိမိကိုယ်ကို ကျွမ်းကျင်အဆင့်ဆိုသည့်အချက်ကို ဘေးချိတ်ကာ အဆိုပါအချက်များကို သင်ယူထားသင့်ပါတယ်။

 

၇။ မြန်မာစကားကိုတိုးတိုးတိတ်တိတ်သင်ယူထားပါ။

မြန်မာစကားတတ်မြောက်ထားခြင်းက လုပ်ငန်းခွင်အတွင်း အသုံးမပြုရသည့်တိုင် မြန်မာနိုင်ငံအတွင်း နေထိုင်ရပိုမိုလွယ်ကူအဆင်ပြေစေပါတယ်။ မြန်မာနိုင်ငံရှိ အချို့သောနိုင်ငံတကာကျောင်းများ၌  ကျောင်းသား၊ ကျောင်းသူများကို မြန်မာစကားပြောဆိုရန် စည်းကမ်းများအလျဉ်းသင့်သလို သတ်မှတ်ထားပါတယ်။ မြန်မာစကားကို ကျွမ်းကျင်စွာပြောဆိုနိုင်ရန် မလိုအပ်သော်လည်း မိမိအလုပ်လုပ်ကိုင်ရာတိုင်းပြည်ရဲ့ဘာသာစကားကို တတ်မြောက်ထားခြင်းက အကျိုးရှိနိုင်ပါတယ်။

 

၈။ လိုက်လျောညီထွေနေတတ်ပါစေ။

နိုင်ငံခြားကျောင်းများနဲ့မြန်မာကျောင်းများအကြား ဓလေ့စရိုက်ကွဲပြားလေ့ရှိပါတယ်။ နိုင်ငံတကာကျောင်းများ၌ ကြိုတင်အကြောင်းမကြားဘဲ ကျောင်းချိန်နောက်ကျခြင်းကို ခွင့်မပြုသော်လည်း မြန်မာကျောင်းများ၌ ထိုကဲ့သို့နောက်ကျခြင်းက အစဉ်အလာတစ်ရပ်ကဲ့သို့ဖြစ်နေပြီး အဆိုပါကိစ္စရပ်များနဲ့ပတ်သက်၍ အကောင်းဆုံး ကို်င်တွယ်ဖြေရှင်းနိုင်ရန် လိုအပ်ပါတယ်။ မိမိရောက်ရှိနေသည့်နေရာနဲ့လိုက်လျောညီထွေဖြစ်အောင် နေထိုင်ခြင်းက အသက်ရှင်သန်ရန်အကောင်းဆုံးနည်းလမ်းပင်ဖြစ်ပါတယ်။

 

၉။ ကျင့်ဝတ်ကိုအမြဲတမ်းလက်ကိုင်ထားပါ။

မြန်မာကျောင်းများနဲ့နိုင်ငံခြားကျောင်းများအကြား ကွဲပြားခြားနားချက်များရှိနေပြီး နိုင်ငံခြားကျောင်းများမှ နည်းစနစ်များက မြန်မာကျောင်းများ၌အဆင်ပြေနိုင်မည်မဟုတ်ပါ။ ဘဝ၌ကြုံတွေ့လာရသည့် အတွေ့အကြုံအားလုံးကို မိမိရဲ့ပရော်ဖက်ရှင်နယ်နဲ့ ပုဂ္ဂိုလ်ရေးဆိုင်ရာကိစ္စရပ်များ၌ အသုံးချနိုင်သကဲ့သို့ ဆရာ၊ ဆရာမတစ်ယောက်အနေဖြင့်လည်း ကိုယ်ကျင့်တရားနဲ့ပတ်သက်၍ အမြဲတမ်း  ရှေ့ဆောင်လမ်းပြဖြစ်သင့်ပါတယ်။ လုပ်ဖော်ကိုင်ဖက်ဆရာ၊ ဆရာမအချို့က စာမေးပွဲမဖြေခင်၌ Facebook မှတစ်ဆင့် မေးခွန်းများမျှဝေခြင်း၊ ငယ်ရွယ်သည့် ကျောင်းသား၊ ကျောင်းသူများနဲ့ Facebook ပေါ်၌ ရင်းရင်းနှီးနှီးရှိနေခြင်းကိစ္စရပ်များအကြား၌ မိမိကိုယ်ကို အကောင်းဆုံးချိန်ညှိပြီး နေထိုင်သင့်ပါတယ်။

 

၁၀။ ဘယ်အချိန်မှာအလုပ်ထွက်ရမလဲ သိရှိပါစေ။

မိမိကျောင်းအတွက် အကောင်းဆုံးလုပ်ဆောင်ထားသည့်တိုင်အောင် ကျောင်းရဲ့အုပ်ချုပ်သူများမှ မိမိအပေါ် မမျှမတဆက်ဆံခြင်း၊ မလိုအပ်ဘဲအော်ဟစ်ပြောဆိုခြင်းများ၊ လုပ်ဖော်ကိုင်ဖက်များအကြား မိမိရဲ့မဟုတ်မမှန်သတင်းများကို ဖြန့်ဝေခြင်းများကို ပြုလုပ်နေပါက ထိုနေရာမှ ထွက်ခွာသင့်သည့်အချိန်ကို  ရောက်ရှိလာခဲ့ပြီဖြစ်ပါတယ်။ မြန်မာနိုင်ငံအတွင်း၌ နိုင်ငံခြားဆရာ၊ ဆရာမများအတွက်  ကောင်းမွန်သည့် အလုပ်အကိုင်အခွင့်အလမ်းအများအပြားရှိပြီး အလုပ်ထွက်ပြီး ရက်ပိုင်းအတွင်းမှာပဲ အလုပ်သစ်တစ်ခုကိုရရှိနိုင်ပါတယ်။ အလုပ်အကိုင်ဗီဇာက မိမိရဲ့အခွင့်အလမ်းများကို တားဆီးပိတ်ပင်နိုင်ခြင်းမရှိဘဲ မိမိရဲ့အရည်အချင်းနဲ့ ထိုက်တန်သည့်နေရာကို ရှာဖွေနိုင်မည်လည်းဖြစ်ပါတယ်။

<Unicode Version>

 

#soshweeducation

#soshweforyourdailylife

#likeandshare

- Advertisement -

Must Read